Elg og hjort

Allmenningen er for tida inndelt i 6 jaktfelt:

  • Visdalen/Leirdalen

  • Ytterdalen

  • Bøverdalen/Høydalen

  • Vårdalen/Smådalen

  • Vårdalen nord for Otta elv.

  • Gjende - Jotunheimen NP*

Jakta blir utlyst og tildelt for to år,  neste periode er i 2026-2027. Rullering av felta gjev ei fordeling der 60% av fellingsløyva er forbehalde innanbygds jaktlag. Tildeling skjer etter trekning mellom lag som oppfyller kriteria. (*Jakt på jaktfeltet “Gjende-Jotunheimen NP” blir seld som kortidsjakt)

Frå 1. november blir resterande kvote av hjort- og elg lagt ut til salg som kortidsjakt for enkeltjegerar eller lag. Informasjon om eventuell kortidsjakt, søknad og tildelingsrutinar blir lagt ut på heimesida til fjellstyret i slutten av oktober.

For informasjon om pris, reglar, søknad, tildeling m.m. sjå søknadssidene på inatur som de finn nederst på denne sida.

Storukse felt i Leirlia 2016.

Kortidsjakt hjort ved Gjende

Hjortejakta ved Gjende blir seld som kortidsjakt for enkeltjegerar, eller mindre jaktlag, i 5-dagars bolkar. Jaktstart 1. september. Periode blir tildelt etter søknad- og trekning, etter dette fortløpande tildeling ved interesse. Det er vanlegvis berre eit til to løyver på dette jaktfeltet. Søknad via søknadskjema nedanfor innan 1. mai.

Tilkomst/beliggenheit gjer at det på dette jaktfeltet blir sett krav om å medbringe ettersøksekvipasje under jaktutøvinga, for å sikre at det er “mulig å bringe hunden til skuddstedet innen 4 timer.” jf. vilkår i forskrift om utøvelse av jakt, felling og fangst.

Kart over jaktfeltet finn de her. Jaktokortpris er kr. 600,- for hovudjeger, og kr. 300 pr. jaktlagsmedlem. Tildeling skjer til hovudjeger. Det er anledning til å legge til inntil 3 jaktlagsmedlemmer. (*jaktlagsmedlemmene kan ikkje søke/ha søkt som hovudjeger)

Villrein

Lom Fjellstyre har omlag 5 løyver på rein i den delen av Vårdalen statsalmenning som ligg nord for Otta elv.

Fellesjaktavtale saman med Finndalen statsalmenning og andre grunneigerar gjer at ein kan jakta på heile villreinområdet som ligg innanfor Lom og Vågå kommune.

Søknadsfrist blir utlyst i lokalavis og på heimesida

Rådyr

Det er rådyrjakt i Visdalen-, Leir- og Bøverdalen statsalmenning og i Vårdalen statsallmenning nord for Otta elv. Jakta er inndelt i 3 ukers bolkar. Alle løyva blir utdelt i første periode. Dei dyra som ikkje blir felt, går vidare til neste periode. Jakt/periode blir tildelt ved trekning. Dei som ikkje får jakt i fyrste periode får jakt i dei påfylgjande periodane dersom det er ledige løyver.  Første periode startar 1. oktober. Frå 10. oktober er det lov med bruk av laus hund.

Vi sel jaktkort for bukkejakt frå 10. august. Desse blir selde i to 5 dagars periodar: 10-14. august og 16.-20. august.

Krav om ettersøkshund/avtale med godkjent ettersøksekvipasje. Pris er 1000,- for bukkejakt og 500,- for ordinær jakt.

Jakta kan søkjast via skjema utlagd nedanfor med søknadsfrist 1. mai.